JIVATMUDAIYUNDU CHILUKA

Audio Link:Jivatmudaiyundu chiluka
జీవాతుమై యుండు చిలుకా నీ-వావలికి పరమాత్ముడై యుండు చిలుకా

ఆతుమపంజరములోన నయమున నుండి నా-చేతనే పెరిగిన చిలుకా
జాతిగా కర్మపు సంకెళ్ళ బడి కాలఁ జేతఁ బేదైతివే చిలుకా

భాతిగా చదువులు పగలురేలును నా చేత నేరిచినట్టి చిలుకా
రీతిగా దేహంబురెక్కలచాటున నుండి సీతుకోరువ లేని చిలుకా

బెదరి అయిదుగిరికిని భీతి పొందుచు కడు జెదరగ జూతువే చిలుకా
అదయులయ్యిన శత్రులారుగురికిగాక ఆడిచి(అదిరి)పడుదువే నీవు చిలుకా

వదలకిటు యాహారవాంఛ నటు పదివేలు- వదరులు వదరేటి చిలుకా
తుదలేని మమతలు తోరమ్ము సేసి నా తోగూడి మెలగిన చిలుకా

నీవన నెవ్వరు నేనన నెవ్వరు నీవే నేనైయుందు చిలుకా
శ్రీవెంకటాద్రి పై చిత్తములో నుండి సేవించుకొని గట్టి చిలుకా

దైవమానుషములు తలపించి యెపుడు నా -తలపునఁబాయని చిలుకా
యేవియును నిజముగా విని యేటికవి నాకు నెఱిగించి నటువంటి చిలుకా
 

jIvAtumai yuMDu chilukA nI-vAvaliki paramAtmuDai yuMDu chilukA

AtumapaMjaramulOna nayamuna nuMDi nA- chEtanE perigina chilukA
jAtigA karmapu saMkeLLa baDi kAla@M jEta@M bEdaitivE chilukA

bhAtigA chaduvulu pagalurElunu nA chEta nErichinaTTi chilukA
rItigA dEhaMburekkalachATuna nuMDi sItukOruva lEni chilukA

bedari ayidugirikini bhIti poMduchu kaDu jedaraga jUtuvE chilukA
adayulayyina SatrulArugurikigAka ADichi(adiri)paDuduvE nIvu chilukA

vadalakiTu yAhAravAMCha naTu padivElu- vadarulu vadarETi chilukA
tudalEni mamatalu tOrammu sEsi nA tOgUDi melagina chilukA

nIvana nevvaru nEnana nevvaru nIvE nEnaiyuMdu chilukA
SrIveMkaTAdri pai chittamulO nuMDi sEviMchukoni gaTTi chilukA

daivamAnushamulu talapiMchi yepuDu nA - talapuna@MbAyani chilukA
yEviyunu nijamugA vini yETikavi nAku ne~rigiMchi naTuvaMTi chilukA

TEGAKA PARAMUNAKU

Audio Link: Tegaka Paramunaku_RagaM-Lalithapancham

తెగక పరమునకు తెరువు లేదు
పగయెల్లా విడువక భవమూ పోదు

కన్నులయెదుటనున్న కాంచనము పై మమత
వున్నంతతడవు మోక్షమొనగూడదు
అన్నముతోడి రుచుల యలమట గలదాకా
పన్నిన సుజ్ఞానము పదిలము గాదు 

పక్కనున్న కాంతల భ్రమగల కాలము
మిక్కిలి శ్రీహరి భక్తి మెరయలేదు
వెక్కసపు సంసారవిధి నున్నంతతడవు 
నిక్కి పరమధర్మము నిలుకడ గాదు 

చిత్తములోపలి పలు చింతలు మానినదాకా
సత్తుగా వైరాగ్యము సమకూడదు
యిత్తల శ్రీవేంకటేశు డేలిన దాసులకైతే
హత్తి వైకుంఠపదవి అప్పుడే కలదు 

tegaka paramunaku teruvu lEdu
pagayellA viDuvaka bhavamU pOdu

kannulayeduTanunna kAMchanamu pai mamata
vunnaMtataDavu mOkshamonagUDadu
annamutODi ruchula yalamaTa galadAkA
pannina suj~nAnamu padilamu gAdu 

pakkanunna kAMtala bhramagala kAlamu
mikkili SrIhari bhakti merayalEdu
vekkasapu saMsAravidhi nunnaMtataDavu 
nikki paramadharmamu nilukaDa gAdu 

chittamulOpali palu chiMtalu mAninadAkA
sattugA vairAgyamu samakUDadu
yittala SrIvEMkaTESu DElina dAsulakaitE
hatti vaikuMThapadavi appuDE kaladu