S.R.JANAKIRAMANఇందరికీ అభయంబులిచ్చు చేయి
కందువగు మంచి బంగారు చేయి !!
వెలలేని వేదములు వెదకి తెచ్చిన చేయి
చిలుకు గుబ్బలి కింద చేర్చు చేయి
కలికి యగు భూకాంత కౌగలించిన చేయి
వలనైన కొనగోళ్ళ వాడి చేయి !!
తనివోక బలి చేత దానమడిగిన చేయి
ఒనరంగ భూదాన మొసగు చేయి
మొనసి జలనిధి యమ్ముమొనకు దెచ్చిన చేయి
ఎనయ నాగేలు ధరియించు చేయి !!
పురసతుల మానములు పొల్లసేసిన చేయి
తురగంబు బరపెడి దొడ్డ చేయి
తిరువేంకటాచలా ధీశుడై మోక్షంబు
తెరువు ప్రాణుల కెల్ల తెలిపెడి చేయి !!
indarikI abhayambuliccu cEyi
kanduvagu manchi bangAru chEyi !!
velalEni vEdamulu vedaki teccina chEyi
chiluku gubbali kinda chErchu chEyi
kaliki yagu bhUkAnta kaugalinchina chEyi
valanaina konagOLLa vADi chEyi !!
tanivOka bali chEta dAnamaDigina chEyi
onaranga bhUdAna mosagu chEyi
monasi jalanidhi yammumonaku decchina chEyi
enaya nAgElu dhariyinchu chEyi !!
purasatula mAnamulu pollasEsina chEyi
turagambu barapeDi doDDa chEyi
tiruvEnkaTAchalA dhISuDai mOkshambu
teruvu prANula kella telipeDi chEyi !!
No comments:
Post a Comment